السلام عليكم ورحمة الله وبركاته...

اتفق معك انهم صعبين لكن في أول ثلاث سنين من عمره
بعدها لازم يفهم
والمسئول الأول عن ذا هو الأم
عندي بنتي تواجه صعوبة في الفهم
ومن ذي الأمور
بس تحفظ ماشاءالله
تأخرت في الكلام وكان عندها مشاكل في النطق والخ
لكن انا وياها كنا مع بعض واشتغلنا كثير
من ناحية الأجهزة كانت ممنوعة
ومن ناحية أخرى كنت صارمة من ناحية العقاب
لدرجة مرة حلفت برمي العابها اذا ما نظفتهم
وجد اخذتهم بكيس قدام عيونها و ع صندوق التبرعات
ومن ذيك اليوم وهم ينظفوا بعد لعبهم مباشرة
حتى الكتكوت الصغير الي عمره سنتين
نرجع لموضوع الدراسة
اولا الثقة دعم الطفل بالكلام
مفعولة كبير كبير ما بتصدقي كيف
انتي شاطرة انتي حلوة انتي تفهمي انتي ابلتك تحبك
البنات يحبوك ، كنت اقرأ لها ايش كتبت الأبلة لها
الحين هي تقرأ وتفرح كثير اذا شافت كلمة بطلة وعسل ومن هذي الأشياء
في اول تسجيلها في المدرسة كانت في مدرسة ثانية وكانت الأبلة صارمة والبنات كثير بالفصل وكانوا يضربوها
يوميا تجي وهي تبكي
وبقت فصل واحد وبعدها نقلتها والحمدلله ارتاحت بالمدرسة الجديدة
الطفل العصبي والعنيد مافي اسهل منهم بس انهم يتعبوا القلب ههه
لازم تتحدثي معه
امسكيه وقولي له انك بتعطيه فرصه واثنين وثلاث لكن بعدها اذا تكرر خطأه بتنفذي العقوبة
وهكذا
واهمشي والي تغفل عنه كثير امهات
انه التربية بكل مكان مش بالبيت بس
حتى في بيوت الناس واذا عندك ضيوف
لازم تتكلمي مع ابنك
كثير اطفال يستغلوا نقطة خجل الأم عند الناس ويتفرعن

لذلك كتاكيتي يجلسوا مؤدبين والكل يثني عليهم مهم عارفين كم نتضارب في البيت
واخر شيء
لازم ينشغل الطفل
لازم وقته كله مساعدة ودراسة ووقت للعب مخصص انتي تحدديه وتخصصي وقت للعب معهم
لانه الطفل اذا ما انشغل يشغلك
وبس
قد يكون لنا عودة ^^