ده موضوعك التالت اعتقد ..
اللي لاحظته ان شكل دماغك من النوع
اللي بيحلل وحساباته كتير ..
وبالتالي قراراته معدومة بشكل ما ..
وده اللي فاهمه جوزك .. هو عارف
ان لو الحياة في قربه نار ...
فالحياة في كنف اخوكي واهلك نار برضه ..
وبالتالي هو مرتاح في انه يطلع
عقده النفسيه وعقدة الفوقية اللي عنده
اللي مش مخلياه فاهم مكانه لسا في المجتمع ..

وانه عاطل واخواته مثلا عندهم حياة تانية افضل
زي ما ذكرتي ..
انا اعتقد ان زوجك من الناس اللي كان
ليها مستقبل كبير .. بس خذل نفسه
والحياة اوصلته انه بقا
مدلل بلا جاه ولا حول ..
بمعني انتي من كلامك محتاجة مواساة
مش حلول ..

اللي انتي يمكن مش واخدة بالك منه
انه محتاجك اكتر ما انتي محتاجاه
ولازم تتعاملي بناء علي ده
سيبك من جعجعته ..

عامة هو استيعابك للواقع اللي حواليكي
موصلك ان خياراتك محدودة إلي حد ما
وده حاطط قيود عليكي ..
وبالتالي مش عارفة انتي عاوزة ايه ..
ومش محددة انتي ميولك لايه ..

شوفي
ماحدش هيقولك
اطلبي الطلاق ..

كتير هيقولك صيغ لترويد زوجك كأننا في سيرك ..

بس في النهاية كتير هيكون عاجز
انه يقولك حقيقة ما في خاطره
مع كل تعليق جديد ليكي ...

كل واحد فينا عارف حدوده
وبالتالي انتي فاهمة حدودك في علاقتك الزوجية
وفاهمة المعطيات اللي بتدور حوالين العلاقة دي ..
وفاهمة دينك بيقول اي ..

زي ما انتي قادرة تحللي نرجسية زوجك واخوكي
حللي نفسك وما تقدرين عليه ...
ماتخليش ولادك عقبة في تفكيرك
ولادك فعليا في بيئة سامة للتربية ..

ايا كان قرارك هيكون دايما فيه ايجابية وسلبية بالنسبة ليهم ..

لو كان في شئ اخير تقدري تعمليه ...
هو انه جوزك يحس بالخطر من ناحيتك تجاه العلاقة
طول ما هو شايف حدودك .. طول ما هو هيلعب علي مشاعرك ..
لو هو بيهدد بالطلاق مرة ..
انتي وافقي مرتين ...

لو حابب يروح المحاكم زي ما بيقول
وافقي بكل سرور وفهميه ازاي انتي كسبانة
وهو خسران ... لانه في النهاية
هو اكبر خسران ..

الكلام ده بناء علي اللي حضرتك ذكرتيه
لو فيه كلام مهم انتي لم تذكريه .
فاعتبري نفسك ماقريتوش ..