ياقوة الله على الردود السابقه مع احترامي لاصحابها
كل رد يقول الزود عندي

ماعدا رد واحد وجدته مُنصف وعقلاني اللي هو اتوقع اسمه احمد

وش تسكت وتصبر
وش تقتنع باللي هي فيه
انتو وين عايشين

انتو ماخذين الدين ذريعه لكل امر
الاهانه مايرضاها اي دين
لنفسها عليها حق كما له حق عليها
كرامة النفس والحفاظ عليها مطلب


كونوا حياديين
لو هي بنت واحد فيكم او اخته
راح يرضى تعيش بها المستنقع
بها الاهانات والذل لا صدقوني ماترضون

وان رضيتوا ابسط ما اقول على الدنيا السلام
والحمدلله على نعمة ابوي واخواني

الاخ احمد كتب جمله برده
وان كان صبرك على عشان عيالك
فانتي تعيشيهم بمستنقع
نعم نعم بيئه موبؤه وقذره للأسف ليه تتحمل

هذا مو زواج هذا استعباد

واللي يقول راجعي حالك يمكن الشي منك
لو منها ماجات تتشكى
راح تكون عارفه ان فيها غلط

تكذب ع اهلها واهله ممكن
لكن على حالها وعلينا
ماراح تقول انا ماسويت شي
اكيد عارفه حاله واحنا غرباء عنها


الذل والاهانه لاتجلب الا ذل

وابشرك طالما انتي راضيه بالاهانه
ماراح يكرمك ولايعزك بيوم

وما الووومه اذا انتي ما رفعتي من قدر حالك ووقفتي بوجهه
اكيد راح يشوفك مثل ماذكرتي

لاتخلطوا بين الصبر وطاعة الزوج والكرامه
لالا كلن له حدود
هي بشر انسان

الحيوان اكرمكم الله صرنا نعامله بلطف
العامله المنزليه كرامتها محفوظه

اما ام عياله ويهينها
وتقول امر عادي

وتستشهدوا بالقرأن
الدين رفع قدر وشأن الانسان ومايرضى بالذل له

ماقلنا شي تصبر على فقره وقلة حيلته مرضه
عصبيته طلباته اهله ....... الخ

يعني الامور الخارجه عن ارادته وارادتها

اما اهانه وضرب وذل هذا موب صبر



كلمتي الاخيره لك انتي

ان كان مالك اهل او اخوان او وظيفه ودخل مادي
وماعندك الا تتحمليه
فكان الله في عوونكً
اصبري وادعي الله