اللي افهمه
ان اللي فعلا صادق في طلب الرأي او النصيحة ..
لو كان محتاج يسمع كلام تقليدي
كان دخل علي جوجل وريح دماغه ..
هو في الغالب بيكون محدد وجهة
بس هو محتاج يسمع اللي يعزز من فكره
او اللي بيخليه يغض النظر عنها بشكل مختلف ...
ويدفعه أنه يبحث اكتر ..
الناس مش اغبياء .. كتير متخيل ان الناس هتاخد
كلامنا وتجري تنفذه ..
الناس لجأت مثلا انها تتفاعل في منتدي مع ناس مجهولة .
لانها عجزت بره سواء مع دايرة اهلها او جوزها او عيالها او قرايبها ..
شافت كل الطرق مسدودة وبتحاول تفتح سكة..
لأنه كام ست فعليا مش قادر تشوف اللي يسندها من اهلها
بالعكس فكرة انه حافظي علي بيتك واصبري ولو حتي
كانت مقهورة مسيطرة علي الاهل ..
لأنهم حاسين ان نقل المسؤلية منهم لزوجها
هو الحل الوحيد انهم يحسوا بالتحرر.. لقصر اجلهم في الدنيا ..
وان مصير المطلقة في الحياة غير مكتوب ليه السعادة
وكأن عدل ربنا مش موجود في قاموس ناس كتير
مش مقتنعين بفكرة الاخد بالأسباب
فمش كتير بيتخيل المعاناة اللي بيمر بيها البعض ..
مش كتير هياخد قرار حتي لو عاوز ..
انا بكلم طبعا عن اصحاب المشاكل الحقيقية
انا مقتنع بفكرة انه فعليا ماحدش بيكون شايف عيوبه
صاحب المشكلة مش عاوزك تصارحك بعيوبه..
صاحب المشكلة في النهاية عاوزك تدله علي مكان يبدأ منه ..
او فكرة يتمسك بيها عشان يظل عنده امل