*




https://www.al2la.com/vb/t130547.html




حصرية ..







انبلاج




شاعراً ماهو يهيم فـ كل وادي
كل وادي يهيم في شعره أكيد


آتكون وانسكب كلي في مدادي
وكل سطر يغني من فرحه يشيد


ذا حضوري طارق وفقدي زيادي
يا زيادي لا تمادى او تزيد


بعد عقد من الزمن هذا حصادي
اينعت غرس المشاعر في القصيد


عقد عدا في الشعر وانا وجوادي
اودع ارؤوس الأعداء كـ الحصيد


مدمنين الكذب عُباد الأيادي
ما بهم نخوه ولا رأيٍ سديد


كم تباهوا بالقيم والا المبادي
والمبادي والقيم منهم بعيييد


يتضح من هو مؤصل او تشادي
دون نتعنصر عن أسياد و عبيد


اقصد اللي بكل أقواله تمادي
من بدأ بـ النار قد يصبح وقيد


درس ثاني قبل ما المس زنادي
اشغلونا ومالهم معنى مفيد


مستحيل اظل واقف في حيادي
لو تموت الشمس او كوني يميد


عقد مر من الزمن وانا جهادي
ما انثنى / وعزمي تقل ابن الوليد


والزمن ماهو بكيفي و اعتقادي
لو اكون بمُلك هارون الرشيد


لي شعور وقلب وهجوسي ريادي
يا غناتي خافقي ساعي بريد


والشعر لو تطلبينه جاك غادي
وانتي ياللي في عيونه احلى غيد


كل ما غنيت به والصوت حادي
ينعزف لك لحن آسر من جديد


سولف إحساسي على لحنك مدادي
وانعزف كلي على روحك قصيد


لك سلامي بكل يومٍ يا ودادي
وانا لك والله يا فرحي عضيد


و انبلج هذا الشعور اللي أحُادي
ليه ‏آدراي شعور في صدري عنيد


قال : يا قو الغلا
و
أقول : عادي

قال : ليه !؟
و
قلت : قلبي اللي يريد


‏غاية إحساسي وكل حلمي ومرادي
بسمة أيامي وهي فرحي الوحيد


‏يا غلاتي شعور قلبي لا إرادي
لو هو اللي عن غلاتك ما يحيد


‏كل لهفه في غيابك لك تنادي
يا هنايا لا تخليني وحيد


في غيابك كله هالعالم رمادي
كيف أحيا دون ما وصلك سعيد ؟!


لو لمحتي الليل يحكي مع سوادي !
القمر عن شوفة اعيوني بعيد


أنتي لي كل السعادة في فؤادي
وهذي روحي تطلبك هل من مزيد ؟


يا بلادي
يا بلادي
يا بلادي
موطني انتي واغني لك نشيد


‏يا زُهير إن كان تدري عن سُعادي
ماخذا عرقوب منها أي جديد


وافيه من قبل ما يخلق ميعادي
وكل يوم اشوفها هو يوم عيد


لـ الوله .




















*