سلامي سلام مودعٍ مايبي فرقاك
ولاله على شوفتك قدره ولاسلطه

يشوفك بعد مااقفيت وانته تجر اخطاك
وكنه صويب معطبينه هل البلطه

تهشم خفوقه يوم لوحت له بيداك
يناديك ودموعه على الخد مختلطه

يبي منك نظره والتفاته لكن ماامداك
تحرر معاليقه من السحر والخلطه

ملكته بحبك وامتلكته وقال فداك
و جنبت فكره عن هل النظم والقلطه

مدخلك بالله ياحبيبي ومن رباك
تعود علي لاتلحق الغلطه الغلطه

ولن كان ودك تبتعد لجل ذاك وذاك
عسى الله يبيحك كان سببتلي جلطه