من صباحات الوله ..
*
صباح الفرحه الكبرى وحلمٍ طال
صباح اللي تنور بيتها و تعود
صباح اللمه الحلوه ضحك و آمال
صباح أحبابك اللي شوقهم معهود
صباح وبسمتك جنه وليها ظلال
وكل شيً في بيتك بالهناء موعود
سريرك
غرفتك
عطرك
وحتى الشال
مراياتك
كتبك
سوارك المنضود
ولون الحائط الأبيض يشع كـ اللال
يزين غرفتك زخرف وفيه ورود
عزف في كل شي ف غيبتك موال
اغاني بالوله بـ أوتار أعذب عود
و ذا قلبي معاهم فرحته تختال
بدأ عمره بشوفة هالعيون السود
لقاء بك بابل وصيدا مع آزال
وهيبة ماضي الأمة حشود حشود
أميرة فآتنة في الحسن والا دلال
محبتها وفاها طيبها و الجود
و
يا صباح الورد يا طيبي و حناني ❤️
أسعد الله قلبك الطيب بخير
مُدي الـ صبحي حكايات و اغاني
كم انا اشتقت احلق بك و اطير
ياااه يا فرحي وقلبك كيف حاني
يوم طمّني و حالي اللي خطير
كل هم بشوفتك يا فرح فاني
وكل حزن بضحكتك يعلن نفير
وقفي الساعه على عقرب زماني
و اقبلي لي .. إنتي الأول و الاخير
و
مع هذا الصباح العذب طلتها
وانا أحب الصباح اللي بها يآتي
يروح العمر فدوة بس لضحكتها
أميرة قلبي المخلص وحياتي
و
من صباح القصايد والحكي والمكان
امتلئ الكون فرحه من سبايب يدينك
قلت : والعمر مره
قلتي : وانا الزمان
ما يضيمه زماني من سكن وسط عينك
و
يا صباحك غير واحلى فرح واصل
صح نووومك يا جعل كله عوافي
ما دريتي في غيابك ويش حاصل ؟!
كل موطن كان بغيابك منافي !
انتي ياللي تهدي هالعالم فواصل
من
شعور الفرح
و
إحساس
و
قوافي
ولو اكون اللي معك أحيان فاصل
طاير إحساس الوله بشعور دافي
و
يا بلسم البوح يا فرحي وضحكاتي
يا نسمة الصبح وأعذب من صباحاتي
منك الكلام ايتعلم كيف يتكلم
ومنك الشعور يترنم في انطرباتي
و
تصحى وتكتب بالسعادة رسائل
توزع الفرحه بإحساس ممطور
الورد من شوقه غدا اليوم مايل
متلهف لطلت صباحك مع النور
طلي وهذي الارض تنبت خمايل
طلي يغني لك من الفرح عصفور
و
علّم الليل عين الذكريات السهر !
واقبل الصبح يشرق بالفرح والسرور !!
كنتي هالصبح وأجمل من نسيم الفجر
تمنحين السعادة للي حولك زهووور
فيك حلو المزايا وفرها وما ندر
والثواني بقربك تستلذ الحضوور
و
اتحرى جيتك كنك العيد
وانا طفل فرحان في صبح عيده
شوفتك أجمل من شعور الزغاريد
واصدق من شعور الابو في وليده
وانا المؤكد بالوفاء دون تأكيد
اقدم اقليبي الك مع وريدة
مداي كوني .. كيف اقبل بتحديد ؟!
إحساس روحي و المشاعر قصيدة !
و
أهديتك الصبح كله والشعر و الورود
و لو تطلبيها عيوني جاتك مغلفه
كل يوم هذي غلاتك وسط قلبي تزود
الين حرفي يموت وما قدر يوصفه
قمرية الليل غني صوتك أرق عود
والله انك بعمري مترفه مترفه
الحزن غيبني ولكني بقلبك اعود
يا موطني والفرح والطيب يا مورفه
لـ الـولـه .
