09-25-23, 10:13 AM
|
#18 |
| | 
حظ من هو لو بغى يكتب كتب
عن شعوره دون ماجرحه يسيل ..!
ليت شعري يكتب بماي الذهب ..
او يمر قلبوكم كـ السلسبيل ..
كنت اضحك لو تمر كلمة صعب ..!
كنت اجهل ويش يعني مستحيل ..!
لا تحملني.... وانا كلي تعب ..
تعرف ان حملي على كتفي ثقيل ..!
بين شغل ونوم / اكلات وصخب ..!
لا جديد ونمضي لـ يوم الرحيل ..
بين يمكن.. احتمال.. ابلا سبب ..!
ايتحقق حلم اشبه بالقتيل ..
ي صديقي لو بقى عندي طلب ...
اسمع ابياتي وعذراً لو اطيل ..
من قلوب الناس كم شفنا العجب ..
ناس تجحد ناس ياما والدليل ..
كم رفعنا ناس كانت بـ الذنب ..
وما لقينا غير هالبغض الجزيل ..
كم عطينا دون منه او طلب ..
وما خذينا غير نكران الجميل ..
امتلاء قلبي من الواقع عتب ..
وما لقيت لصادق احساسي بديل ..
صرت احس ان الهدوء أجمل طرب ..
صرت متصالح مع روحي نبيل .
كنت اتمادى ولا رضى انسحب ..
لو بقى من جيش شطرنجي القليل !
الذكي اللي على ناسه كذب ..!
والغني اللي بأمواله بخيل ..!
الوقاحة شوهت معنى الأدب ..
والفصاحة تائهة ابلا دليل ..
السياسية ملت أصداء الخطب ..
والتعاسة تعيش فينا بكل جيل ..
كل ماسمع نشرة أخبار وحرب ..
يبتدي حزني مع الليل الطويل ..
في بداية جمعهم ( كلهم عرب )
وفي النهاية نصهم خائن عميل ..
راحت القدس الحبيبة مع حلب ..
وكل حاكم يتقن فنون العويل ..!
ذاك استنكر وندد او شجب ..
ذاك يكذب ما دروا انه ذليل ..
ماتت النخوة بكاسات النخب ..
والليالي الفاتنة واحلى جديل ..
ويش بقى اكثر من اللي انكتب ..!؟
والمعاني تنوح وجروحي تسيل ..!!
وكان تبغى تفوز في اعلى الرتب ..
اعبد الخالق.. وعنه لا تميل ..
لـ الوله . |
|
|
 |