منتديات مسك الغلا | al2la.com - عرض مشاركة واحدة

**!..الظـاهـرة..!** · 09-30-23, 08:27 PM

هي محاولات إفساد :
يكذبون - يخونون - يستغلون .... إلخ ..

يُفسدون ولاشك ثقتك في غيرهم .. لأن الانسان ردات فعله وليدة تجاربه وماضيه ..
ولكن .. و أنا أخوك :

نموت عشان ناس ما يستاهلون ..؟!!

لا وربي ..

أبشرك منذ آخر ( بكاء صدمة ) وأنا أطرق الباب و أتوقع أن أُطرد ..
اتصل وأتوقع إني بألقاه مشغول ساعات ..
أعطيه بيدي و أتوقع يعض ..

لو لاحظتي قلت أتوقع .. ما قلت متأكد ..!!

التوقع هنا مصدّ صدمات .. يعطيك قابلية تحمّل ..

لو وضعتي برسيم عند بهيمة .. و طقم ألماس ..
بتاكل البرسيم .. ويمكن تشوت الطقم وتكسره ..

ما يعيبك .. كونهم لا يعرفون قدرك .. ولا كونك كنت صادقاً ..
واستغلوك ..!!

يعني تبدأ بالكذب خوفاً من الصدمات ..؟؟

لا وربي ..

يعني اللي فعل السوء متبرطع يحاول مع غيرك .. و مستمر متونس ..
و أنت اللي كنت صح .. جهدك في مسح دموعك .. و النفسية السيئة ..؟؟

بتبكي ..؟؟ ابكي على من يستاهل .. من راح غصب عنه
بتزعل ؟؟ ازعل على من يستاهل .. اللي خيره كثير وغلطه بسيط ..

لكن..؟؟
آكل نفسي همّ عشان ناس ماتستاهل صدقك أو كونك طبيعي ..؟؟
لاااا وربي ..

افرّحهم فيني ..؟؟؟ لاااا وربي ..

عيش نعنبو راسٍ ما يكيف صاحبه ..

العمر يمشي .. فتّح غمّض عمرك 50-60 .. تبغى ترجع تعيد حياتك ..؟؟
لااااا وربي ..

الزبدة:
طبيعي يفسدون حياتك في البدايات .. لكن مستمر بنفس ردات الفعل
واستقبال الصدمات .. و تظن إنك طبيعي ..؟؟؟

لااااا وربي ..

خلّك صاحي لهم .

ربي يكفيكم شرّ كل من به شر ..