سبحان الله

أنا من القصص اللي صارت لي مع بنت أخوي
كانت تحب تروح عند الدرج وحتى لما نحط حاجز تطيح الحاجز وتحاول تروح فوق

وتستغل الدقائق لما أمها تنشغل عشان تروح عند الدرج
وكل مرة أوصل لها في اللحظة المناسبة وأنقذها قبل ما تطيح
مع أني أكون بغرفتي وما أدري عنها لكن سبحان الله فجأة أطلع من الغرفة
وأنتبه عليها وتكون على حافة الدرج وقريب تطيح ويمكن تموت لو طاحت
مو بس الدرج حتى بأشياء ثانية

ومرات أنا يصير معاي نفس الشي لأن من يومي تفكيري
غير عن باقي أخواني وخواتي ما عندي تركيز وانتباه في بعض الأمور
ويكون تركيزي مثل الأطفال مرات وبعد أحسن الظن كثير في الناس وأشوفهم طيبيين
وأحياناً ما يكون عندي احساس وشعور بالخطر في بعض المواقف يعني نفس اللي عندهم توحد

كثير مواقف تصير يجون ناس ينقذوني وينبهوني على أشياء وأنا ما أكون حاسة
أو أتعامل مع ناس ممكن يكونون سيئيين وما أدري أحسبهم طيبين
أخواني أو خواتي يعصبون ويقولون لي كيف تصدقينهم وأنا أقول اشفيهم يعصبون علي
وبعدين أكتشف أن فعلاً كلامهم كان صح > والله عقلي ما يستوعب بسرعة
مرات أنتبه من نفسي وأشك وأعرف ومرات أبداً ما ألاحظ ولا أنتبه لأن ما يكون في احساس ولا شعور
يعني لازم حد غيري يكون مركز معاي ويدقق وينتبه

وبعد من المواقف العجيبة اللي صارت معاي
كنت أقرأ القرآن مرة ووقفت عند آية تتكلم عن الصدقة
ونويت أني أتصدق
وبنفس اللحظة سمعت صوت الباب يندق وراح أخوي يفتح الباب
وقال في مسكينة عند الباب على طول طلعت الفلوس وعطيتها
وسبحان الله مدري كيف جت في نفس اللحظة !

وكثير غيرها مواقف عجيبة لكن كتبت اللي جاء في بالي ..