القراءة كثير بتساعدك
سواء قراءة القرآن أو الكتب
عشان تتخلصين من القلق والتفكير الزايد
لأن صعب تسوين أي شي وأنتِ عايشة بقلق
كل مرة تكون عندك مشكلة روحي ابحثي عن الكتاب المناسب
واقرئي الكتاب وكل مرة سوي نفس الشي
لين تحلين كل مشاكلك لأن محد بيساعدك أكثر من نفسك
لا تقولين ما أقدر
ترا في البداية بس ممكن تحسين بصعوبة
لكن أنتِ اجبري نفسك على القراءة وبتتعودين
حتى لو كل يوم نص ساعة
ابدئي بالكتب البسيطة أول شي
وبعدين بتلاحظين الفرق بالتفكير وكل شي
وبعد حاولي تنامين من وقت وتصحين من وقت
بتتعدل نفسيتك وما بتصيرين حساسة بزيادة وام دميعة
السهر يأثر على النفسية
ويخلي التفكير سوداوي
لاحظت هالشي من تجربة
لو أسهر يوم واحد بس على طول أصير حساسة
ويصير تفكيري سلبي وتجي في بالي أفكار عن الموت ولا الانتحار
أعوذ بالله
صدق من زان نومه زان يومه
وترا لما تكونين وحدك وتنشغلين بشي مفيد أو تسوين شي يفرحك
أحسن من أنك تكونين مع الناس وكله مشاكل وهموم
ابعدي عن كل شي سلبي ويعكر مزاجك عشان ما تتأثرين
لا تفكرين بالمستقبل كثير
فكري بالحاضر وبس واسعدي نفسك
الأمنيات ما تتحقق لما تكون مشاعرك سلبية
مثل خوف وقلق وتوتر وعدم ثقة
بس تتحقق لما تكون مشاعرك إيجابية
مثل الهدوء والسلام والثقة والسعادة