ياحي الله لذيذ الهمس وأنت رجل شجاع جدا وأحييك على هذه اللفتة الجميلة.

أنا أفضل ان أتحدث عن نفسي في هذا الموضوع ، عندنا لا نعزم الرجال في أعراس أخواتنا مالم يصدر من أهل العريس طلب صريح بدعوة من يلزمنا من المعارف والأقارب لأن المعزوم لا يعزم .

أما من ناحية أن بها عيب أو خجل فهذا ما هو عندنا لأن الزواج إشهار وهو سنة ومفخرة وستر وحشمة لأن الزواج بركة وأجر وستر لنساء المسلمين من الرذيلة.

إذا كان العريس منا وفينا ومن قبيلتنا معد بها شي عزيمه نصير كلنا أهل العرس اللي يجيب الذبائح واللي يصف مع الرجال في المرادات الشعرية واللي يقدم القهوه والحلوى والأكل واللي يدق سوالف في القاعة معزز مكرم لين الساعة 2 بعد الظهر شرفتونا وحياكم الله والعريس يشل زوجته والله يبارك.


أما مخيم الحريم معد تدري من العازم ومن المعزوم من الطقوس وبعضهن يستغلن الوضع لرصد عروس لولدها .

بالمختصر المفيد إذا أختي تزوجت ما أقدر أعزم الناس على زواجها لكن إذا العريس وأهله طلبوا منا نوسع دائرة المعازيم أكثر شيء يزيد الحضور وتكثر الدعوات من جانب الحريم لأن الرجال يكونوا مربوشين بالعرس وإذا حد اتصل مثلا يقوله حياك معنا عرس ومعزوم ولا ننحرج نقول عرس ولد عمنا على أختنا وكذا .

مثل ما تقوم القيامة للتحرش والفضائح وتتناقل العرب الأخبار من همز ولمز ودعم ، نقوم الدنيا وقت الأفراح والمسرات بلا خجل طالما مطبقين الشرع والعرف القبلي والموروث النزيه لكن من باب المعزوم لا يعزم ما أقدر اعزم أخوي على عرس صاحبي إذا ما قال حياك وحيا من هو من صوبك . ذيك الساعه نحضر تكريم له بغض النظر بيتكلف وألا لا تراه في الأخير فاز بعروسه معد بيتعب من ريال وريالين . الدنيا سلامات يا لذيذ الهمس .