..









مع احترامي للبنات كلهم

اللبس الغير محتشم مؤذي للنظر غير انه محرم اصلا

حتى لو كان بين بنات او نساء الحشمه مطلوبه

اما عن الحجاب الله يصلح حال بنات المسلمين

فعلا الوضع مزري المحجبات اللي يلبسون طرحه صاروا قليل فكيف المنقبات

توها اختي الكبيره من فتره قالت صديقتها بنتها حاليا في الثانوي

صراع بين الأم والبنت عشان الحجاب وكشف الوجه البنت تقول

ماعاد فيه احد اليوم يلبس نقاب خلاص بطلوها

ادري بتقولون فيه من اجازوا كشف الوجه

لكن وش المانع من النقاب خصوصا اننا بزمن فتن نسأل الله السلامه

واذا ركزنا الخلل من الأمهات توني من اسبوع كنت في مناسبه

اهل العروس ماشاء الله كلهم من اصغر بنت لأكبرهم

قمة الاحتشام في لبسهم حتى بناتهم المراهقات اللي اعمارهم ما بين 14 الى 17

برغم ان البنات في هالعمر بالذات صعب جدا تتفق معهم او تقنعهم بشي

لكن لأنهم تربوا على كذا من صغرهم الكل محتشم الله يزيدهم

اصلا العري ما اشوف منه فايده والعبايه الملونه حاليا

مهما كانت محتشمه ولو انه اصلا ما فيه عبايه ملونه محتشمه للكشخه

تلفت النظر وش زينها العبايه السوداء تشتكي من ايش

لو بنات حواء تفكروا واستوعبوا ان الحجاب ستر دنيا واخره ما كان فكروا من الاساس بلونه او شكله

الله يهدينا ويهدي الجميع








..