" جيته يخضـب كفوفـه
ارخى الشعر لا نشوفـه
غطاه وغطـى ردوفـه
الله على الزيـن واكبـر

ساعة نهض من محلـه
شعره كسا الجسم كلـه
اسود كمـا الليـل هلّـه
من فوق الامتـان حـدّر

تلفتت من عجلهـا
بعيـون بيـِّن خجلـهـا
ترمي بداها واجلهـا
إي والله الموت الاحمـر

الوجه من شـاف نـوره
خطيـر يفقـد شعـوره
أشري لها بس صورة
بعشرة ألاف وأكثر

قلت اسقني لـو تكـرم
وقال مـانـا محـرم
يحرم على كل مغرم
أبعد عن الدرب تشكر

وقّفت لـه فـي طريـقـه
وقلـت شبـت حريقـه
الصبر ما عـاد اطيقـه
الحق علي كـان تقـدر

قال انت حر من يـردك
تـرى تعديـت حــدك
وان مت ما انته بوحـدك
يا ابن الحلال ابعد الشر

برموش عينـه رمانـي
وطحت انا فـي مكانـي
قلت الهوى اللي حدانـي
حسبي على الحظ الاقشر "