:سلامة النفس نعيم من نعيم الجنة
نختلف .. نتلاسن.. نحقر لبعض.. نطنش بعض
امور كثير تصير بين البشر وهذا أمر طبيعي
العاقل والسليم نفسيا ينسى
اتكلم عن المريض اللي يحاول بكل جهده الكيد والإضرار بهذا الشخص
واحيان يصل فيه الأمر من زود لمرض
لخسارة الجنة عشان بس يدمره
ليه؟
اعتلال نفسي مميت يقتل صاحبة قبل ضحيتة
يسلب منه نور وجهه
وراحة يومه
يعيش طول عمره بهم ونكد ويمثل انه سعيد
واللي يقهر بالفئة هذي
انه دايم يسوي نفسه نظيف
حتى راحة نومة مسلوبة منه
خطط الكيد ماتجي الا وقت النوم
من جوى مثل نار التنور .. دايم ياكل في بعض
تقولة انظف!
تصير انت عدو له
الله لايبلانا .. والحمد لله اللذي عافنا مما ابتلاهم فيه
ترى قراءة القرآن باستمرار تطهر النفس من الأحقاد
صارت بيني وبينك مشكلة . .. انتهت المشكلة
خلاص كلن يروح بحال سبيلة
ماتبي تسلم.. ماتبي تجلس بمكان انا فيه
تبي تحقر هذي امور عادية ومع الوقت تمل منها وترجع لعقلك
لكن المشكلة انك تدمر شخص يكون رب اسرة
او يعيل والدية
عشان مشكلة تافهه
هذي المصيبة
ترى النوعية هذي من كثر ما ابليس مسيطر عليهم
مايشوفون حجم الجريمة اللي مسوينها
بالعكس.. ينبسطون
دائما الناس من هالنوعية تجيك شخصيتة خبيثة وضعيفة
عشان كذا اغلبهم يلجأون للسحر
لانه هو الشيء الوحيد اللي يرضي نفوسهم الوصخة
وعلى حسب كلن ومايرضي نفسة الخبيثة من نوع المكيدة
بالنسبة لي اي شخص حاليا يصير بيني وبينة تتش
احذر منه على طول.. العالم مدري وش جاها
اسأل الله لي ولكم
أن يبعد عنا كل شيطان رجيم
وكل إنسي خبيث