رومانس" التغلبي" يحييكم ويتمني لكم اجمل الاوقاات..

ياهلا ومرحبا

الاخ صعفق ...مست بالخير مس" ن" مايخلي فيك مغزه ابره الا وقد " مسسه"..!

هي نفسها.. الله لايسلم فيك مغز ابره
بس صغتها بطريقة فنية
سؤال..
نبضات قلبك فالمنتدي متي " تتسارع" ...متي تكون في منتهي الهدوء والانضباط..؟!
على حسب النومة.. اذا نمت نومة مزبوطة كنت رايق
واذا نومة ارق.. تلاقيني احوس بالمدونة لين انام زين
سؤال...
هل تمارس قاعدة " خالف تعرف" في بعض مايطرح هنا..؟

لا بالعكس ولا أسعى للشيء هذا.. وهذا مو هدفي اصلن
احيان ينزل العضو موضوع
مارد على الموضوع نفسه
ارد على بعض الردود المستفزة اللي فيها شوفة النفس والانتقاص من الآخرين


.سؤال..
هل تري ان علاقتك بالاداره تركت لك هامش من الحريه اكثر من غيرك ..

الحمد لله بريئ براءة الذئب من دم يوسف من شغلة اللسلسة
انا ماتلسلست في شركة تنافس شركة سابك مع المدراء عشان يزبطون وضعي
غيري تلسلس ووصل..
انا استقلت
تبيني اتلسلس بالمنتدى عشان على قولتك شوية مساحة
احترامي وتقديري للمدير لذاتة مو عشان المنتدى
هو صاحب المكان وله كل التقدير والإحترام
انا فيه اعضاء غلطوا علي
واظن تعرفهم
ولكن ماغلطت عليهم بنفس اسلوبهم بالشتم وغيره
اللي منعني مو قلة حيلة او خوف من الباند
تقديري للأخ احمد هو بالاغلب يمنعني


العلاقات بشكل عام " فالنت" وفالواقع امر طبيعي انا ابي اعرف منك هل تري نفسك مستفيد منها ..؟!

نعم

سؤال..
جماعة " ممكن نتعرف" هل تراهم لازالو موجودين حتي اليوم ام ان الوضع تغير واصبحو من الماضي .؟!

اللي يرقمون بأوراق للحين موجودين واظنهم هم نفسهم اللي تقصدهم

.....
سؤال..
الذيب لايحبس بقفص ولا تراه فالسيرك وياكل من يمناه لو مشي ليل الله بنهاره ..
يحشم نفسه عن " الجيفه" ودايم يحب يجر " عواه" بعالي المشاريف كما انه مضرب مثل عند العرب للشجاعه وعزة النفس اختزلوها ...
ب" خلك ذيب"..
السؤال..
وش خذيت من صفات الذيب ...؟!

الطناخة.. والجرأة



الي هنا تنتهي اسئلتي الغير " تقليديه " كعادة رومانس...وكالعاده ايضا يقدر الضيف تجاوز اي سؤال ...
شكرا هدي الوزير..


وبس والله

رومانس/ الخبر الجميله

ياهلا ومرحبا فيك يابو عبدالله
نورت الحته