طال الجفا ياصاحبي وانت تدري
....................مااقدر على بُعدك وصدك سويعات
وش مكسبك يومك تلذذ بهجري
....................يكفيك قلبي كله (ا)جروح وآهات
اهديت لك روحي وسلمتك امري
...................من دون مااخذ من جنابك ضمانات
واهديتني طعن الخناجر بظهري
.......................طعنات لكن غير عن كل طعنات
ياما عليك اشغلت بالي وفكري
..................واسهرت طرفي عقب فرقاك مابات
خوفي ليا ثارت براكين صبري
....................توصل حممها فوق ذيك المجرات
تعال دام الحشرجه وسط صدري
....................يكفيني اسمع منك كلمة سلامات
ترى البكا ماينفعك عند قبري
.....................عمر البكا ياصاح ما رجّع اموات