اكبر إنجازات الإنسان في الزمن هذا
إنشغالة بنفسة
فعلا راحة نفسية رهيبة
يوم تسمع فلان اخذ سيارة بمليون ريال
وفلان اشتراله قصر
وفلان فجأة صارت عنده شركة
وأنت مركز بهمك وهدفك ولا التفت لهم
كل اللي تقوله الله يزيدهم من فضلة
من أكبر الأخطاء اللي يرتكبها الإنسان بحق نفسة
مناظرة الآخرين
إيش سوو
وين راحوا
يش اشتروا
وين سافروا
ومن هالأمور
ذاك اليوم جالس مع كم واحد ويتكلمون عن واحد بحراج التمور
واحد يقول فلان هذا كان سلتوح ماقومه غير فلان وخلاه يشتغل ويشتري ويبيع
قلت ياخي الله سخرله فلان ووقف معاه ووقفه على حيله
كل الناس تطيح .. والشغلة توافيق
كلامي ماعجبهم
اقرى رفضهم لكلامي بملامح وجيهم
واغير الموضوع
يوم توصل لمرحلة لو كل اللي حواليك يسكنون بقصور
وانت بإجار ومن داخلك مادريت عنهم ومنشغل بنفسك
هذا مثال وقيس عليه حاجات كثيرة
حتلاقي متعة في حياتك
اساسها الرضى
وبس يعني حاولت الاقي خاتمة كويسة ومالقيت
دايم عند آخر شي افرمل