12-01-23, 02:57 PM
|
#121 |
| |
زان الشعر والشاي فوق جمر الوقيده
والشعر فايض ينتظر عام حوله للنصابي
والقلب منصاب بشيخة الحسن وغيده
قالت: ما معنى الشباب والشعر شابي؟
قال: شيخ ساد وحكمته دايم سديده
وكلمته سيف مسلط على عنق ورقاب
شاف كل الزين أنتِ وقلبه بجوف شهيده
تثنى كلمته وتنلغي لجلك وأمرك مجابي
وش يسوي عاشق سلمك أمره بأيده
والهوى حكمه شديد من ريم سطابي
اسألي الشيب عني كيف كبلني بقيده؟
يخبرك عن حال حزني من الغيابي
طير مكسور الجناح يصرخ ينادي عضيده
والسواعد ما تعين ومن الألم زايد عذابي
فرح عمره ما اكتمل رغم إن اليوم عيده
دمعته طفل يتيم عايش دون أمه بإغترابي
كيف لفاقد وطن يتهنى بثيابه الجديدة!
تسأليني كيف شايب وعمري شبابي!
كاتب المعنى كفن والحياة ماهي مفيده
من ضاع منه الوطن عاش بالدنيا سرابي
//
|
|
|
|