منتديات مسك الغلا | al2la.com - عرض مشاركة واحدة

**شاعر العرب** · 12-05-23, 07:43 AM

بسم الله الرحمن الرحيم
السلام عليكم ورحمة الله وبركاته
صباح السعاده ومساء الانوار على متابعيني الاعزاء
وثم واما بعد ( حب الطفولة كما اسماها الاستاذ رايق )
وكما ذكر ابو عبدالله وعشقه بسماح ذات القوام الحسن

وكما ذكرت اختنا عسل اسود عشقها في المدرسة لاخو صحبتها وهم اطفال

ايضا شاعر العرب ناله ما ناله من هذا الجانب فإليكم التفاصيل
هذا سلمكم الله كنا نروح مع أمي الله يحفظها نزاور ناس معرفه
وهالبيت ماشاء الله 9 بنات على ولد واحد والمجموع 10 الصلاة ع النبي

فاللي يهمنا من السالفه اوسطهم وكان اسمها ( غدير )
هذي سلمكم الله انا وقعت في حبها شر وقعه يعني لدرجة كنت اصيح عند امي نروح لهم
وهي ماشاء الله كانت اذا جيت تفز وتستقبلني وتاخذني لغرفتهم وانواع الدلع
وهنا لازم نحط النقط فوق الحروف غرفة ودلع ؟!
اي والله ياخوان هالادميه وقع شاعركم في عشقها وحبها بسبب مكرونتها

ياهي كانت تسوي اسبقتي مايسويه أفضل شيف بالعالم

وقتها كل اللي نعرفه مكرونه بالصلصه .. غدير كانت تسويه بالكريمه

وكنا نجلس مع بعض من 4 العصر لين 10 الليل سواليف واكل اسبقتي

ومره جاتني وقالت يسور وهي اول وحده بالحياة تقول لي يسور

صدقوني ماكان اي شي يلفت انتباهي لا جمال ولا دلع ولا حب ولا اهتمام المكرونه وبس ههههه
المهم قالت يسور انت تحبني زي ما احبك >> فكان جوابي بكل بساطه
تبغيني احبك المره الجايه حطي مع المكرونه لحم مفروم !!!!

وبس والله

أقول مرتجلا

الـمـحـبـه روّحــت يــا غـديـر بـحـالها
والـحـياة اسـتـثـقـلـتني بكل حمولها

الـلـيـالـي كـتـفـتـنـي بـكــل حـبـالها
قوقعتني بعرضها واحبستني بطولها

شاعر العرب