ما هو من الشعر توريده وتفنيده
لا والله الا بقلبي غيم تجويده

يا موطن الروح جيت بكل إحساسي
اقطف لك الشعر من أحلى عناقيده

بسم الله ارقيك من كل العيون ومن
من كل شيطان مارد يتبع لسيده

وادعي لك الله في وسط الصلاه وفي
كل وقتٍ فـ يومي دون تحديده

يا اغلى من الروح يا فرحي و آمالي
في داخل الصدر وحشه والف تنهيده

وشلون ما خاف وانتي دنيتي والله
يزهر بك العمر يا فرحه و توريده


‏احتاج لك حاجتي لانفاسي في صدري
احتاج فرحه ولحنك لحن تهويده ♥️

اتعبت حرفي ينادي بكل إحساسي
الفين مره في ( مسك ) والف تغريدة

شوق الأماكن لنا ينده و مستني
يمد يده وفي كفه مواعيده

ما تدري انه ظلام بدوننا موحش
لو خانه الوقت صار الصمت تجسيدة !