صار لي اسابيع طويلة ما دخلت المطبخ وطبخت
مشتاقة أطبخ وأبدع وأهبد وكل شيء .
بس حاليًا اخذ استراحة مُحارب من طبخ الغداء،
وايوه يا زوّار كلوا فواكة واكل هيلثي يوميًا،
اهتموا بصحتكم، انتو تهموني ترا .



المهم إن اليوم واخيرًا قدرت أرجّع جزء
من قوتي وطاقتي القديمة،
روحي كانت ضايعة طوال الأسابيع السابقة،
متأكدة هالضياع سبب تغيير بداخلي
وسبب تطور ممكن؟
بس لحد الآن ما أكتشفته.
لكن ابغى اشكر اخواني،
جاسم ومولانا وشاعر العرب
وحبيبتي هاجر على التقييمات،
الله يسعدكم كلامكم طبطبة وجبر خاطر.

وبما ان هذا اخر اسبوع بالسنة تقريبًا،
هالسنة بصراحة جدًا تعيسة،
ما حققت فيها اي شيء حرفيًا،
وكل ما أحس نفسي راح أقوم على حيلي؟
يصير شيء يهد حيلي من جديد،
وتستمر الدوامة..
والحين خايفة لا تطلع النفسية ويرجع الكآبة،
وتخرب كل راحتي المؤقتة هذي،



لأنه صرت أتوقع كل شيء من هالسنة،
حتى اللي ما توقعته جالس يصير أبدًا
هو حرفيًا صاررر!
لكن الحمدلله على كل حال،
الحمدلله على كل النعم
اللي منحنا إياها رب العالمين.