اليوم كان لطيف وحلو جدًا!
أتوقع السبب لأن أجبرت نفسي ابدأ
يومي بسعادة فرحت ركضت لأبوي وحضنته،
وجمّعت اهلي وقعدنا نسولف وتونسنا .

وبعد اليوم قررت أتعلم أسوي معجنات
لان حرفيًا انا افشل انسانه بالمجرة بالعجينة،
وبدأت بالبيتزاء واشياء لطيفة،
انا جدًا جدًا جدًا أحب طبخ البيت
ومثل ما تعرفوا انا البنت الوحيدة،
وأُمي متوفية الله يرحمها،
ماعندي حد يدلعني بالاكل
فقلت أتعلم أنا أحسن وبلا كسل،
سويت بيتزاء وهي محاولتي الأولى
بعد سنواتتت طويلة من الفشل،
كنت اسويها قبل وأنا بالمتوسطة
بس بعدين تركت المخبوزات
لأن أغلبها ما تضبط ومُتعبة،
وهذي البيتزاء اللي سويتها
وقوالب لبنه وزعتر ومن فوق جبن موزاريلا
قلك ابداع وكذا.



ماعليكم قطعة البيتزاء اللي تكون بالاطراف
يا دووب لحقت عليها
المهم طعمهم جدًا لذيذ!
حتى أهلي خلصوها بسرعة،
وطلبوا مني اسويهم مرة ثانية
بس انا تحمست وقلت اسوي
خبز بالثوم بس ما ضبط
لكن ماراح استسلم وراح اسويه مرة ثانية.

وبعيدًا عن الطبخ صرت أرسم أكثر،
أحاول أطور رسمي أكثر فرسمت هالرسمة.



فيها كثيير أخطاء بس فرحانة
لأن كنت أحاول وأكيد شويه شويه
أقدر أرسم رسمة حلوة.
أنا عرفت اني اميل لهالنوع من الرسم،
والحين أقدر أركز عليه براحتي لين اتقنه .
وأبغى أتعلم رسم الأنمي بعد،
أحسه سهل علي،
المهم أنا أحاول أقضي وقتي بأشياء تسعدني
مثل أرسم أتابع دراما وألعب،
ومؤخرًا أسوي معجنات..
إذا ما قدرت أسوي شيء
مفيد بيومي راح أحس بالتعاسة
وكأنه ضيعته كله،
مرات أخلي جدول بس ما ألتزم فيه
إلا نادرًا وقت الكسل .
وحتى إذا ألتزمت اسوي اشياء 2 من 3
بس الأهم أحاول أخلي يومي
ينتهي بشيء جيد على الأقل
وصراحة أحس هذا مثل الهوس
لأن مو دائمًا عندي مزاج،
بس يلا عادي .