ودي أسولف عن العمر الطويل بشكل عام،
دائمًا كنت أنظر للعمر الطويل على إنه إبتلاء!
وحتى لما كنت صغيرة كنت أدعي رب العالمين
وأقول ياربي لعمر الـ 30 راح اكون مكتفية ، خذ أمانتك
ولحد الآن أدعو هالشيء مع اني شويتين واوصل لهالعمر،
لما يكبر الإنسان وتصير صحته جدًا ضعيفة
يصير مثل العالة على أهله،
خلونا نكون صريحين بهالشيء..
محد يتحمله والكل راح يلتهي بحياته!
ونادرًا ما نشوف واحد أهله يوقفون معاه للحظاته الأخيرة،
فالإنسان كل ما كبر راح يضعف عقليًا وجسديًا
ويكون عالة على غيره،
عشان هالسبب أبغى أموت بكل قوتي العقلية والجسدية،
ماتخوفكم سالفة إنكم تموتون كمنبوذين؟.

نرجع الحين لسالفة العيش "للأبد"
هي بالحياة مافيها شي للأبد أساسًا،
وحتى لو صرنا وعشنا للأبد..
أشوف الناس أغلبها إذا مو كلها تنتحر،
إنه تظل تكافح وتكافح من دون أي سبب!
هذا بحد ذاته يسبب جنون
جديًا لو مافي آخرة راح يصير كفاحنا من دون سبب.
فالحمدلله على نعمة الموت، ونعمة ترك الحياة..


-
طبعًا الحين أني ميتة نوم
باقي 3 ساعات وأصير مواصلة 24 ساعة
فمن الحين إلى أن أنام أفعالي واقوالي
لا يؤخذ بها
أعتبروني مجنونة ودخلت المدونة.