مرحبا بالجميع


الفكرة مش بتقف فقط عند التعلم
الفكرة في مهارة ضبط النفس عند أي طاريء

يعني مثلا

كنا راجعين من اليكس بالليل وكنا علي الطريق السريع وابني سايق علي ١٢٠ وفجأة كوتش العربية ضرب
وعمل صوت كان قوي جدااا لدرجة اني كنت نايمة صحيت وانا بتشاهد والله
لأن مع الصوت كانت العربية بتترج قوي وطبعا مكونتش لسه ركزت وكل اللي جه في بالي اننا دخلنا في السور ... وفين وفين لحد ما استوعبت ان الكوتش هو اللي ضرب بس طبعا الخضة كانت فظييييعة
وكل اللي كان يعدي علينا لما ركنا علشان نغير الاستبن ويقف علشان يساعد يقول احمدوا ربنا انكم مقلبتوش

كل ما اتخيل ان لو بنت هي اللي كانت سايقة وقتها .. اقول هل كان حيبقي عندها ضبط نفس زي اللي كان عند ابني
اقول مستحيل .. قليل ان ما كان حيغمي عليها

^ قيس علي كده بقي مواقف كتير ممكن تتفاجأ بيها

البنات تسوق براحتها لكن من رأيي ومن باب الحذر ان البنت تكون حريصة علي نقط تخليها دايما في منطقة الأمان خاصة لو كانت لوحدها

يعني سكة سفر لأ
سواقة بالليل لأ
مناطق مقطوعة لأ
سرعة عموما زايدة لأ سواء سكة سفر او غيره سواء بالنهار او بالليل


إنما انها تسوق
اه طبعا تسوق ونص وتنبسط والرجالة يخلوا عندهم شوية من الأحمر ويسيبوها في حالها هي مش ناقصة أيد او رجل





.