تعال يااللي في غيابك تشيّخت
.....................................على الهوى والشيخ قيس اعتمدها

اغليك مهما في غيابك توّبخت
.......................................ما انساك لين الروح يأتي وعدها

ياما من اجلك يامنى الروح نوّخت
.............................................قيفان ماظنيت ينفذ مددها

عزفت مالا تعزفه فرقة التخت
.....................................وابكيت ناس(ن)رغم شدة حسدها

غيري توسد ريش من طاير الرخت
....................................يمسي وعينه ماشكى من سهدها

وانا توسدت العناء لين مخمخت
.....................................ذليت نفسي لأجل ادور سعدها

كانت لي الضيقه من اول كما الأخت
...................................واليوم كني راضع(ن) من نهدها

طوتني الاحزان من قلة البخت
.....................................الين دقت في خفوقي وتدها

حزني عليك اشد من حزن اياذخت
.............................يوم اطرحت في اليّم موسى ولدها