02-07-24, 11:24 AM
|
#2763 |
،،،أستاذ تعبير،،، | الصبر سجن الرجاء وسلومي قيود ... واخاف لا اجني من الصمت الندامه
ساكت وصابر واشوف الوضع مشدود … ماودي اجرح باحساسي صيامه
من محجر الشح طاحت[دمعه الجود] … حتى غشت وجه الايام الملامه
بالضبط ماكنه إلا دمعه العود … عود من عياله..... يشوف انهزامه
كم واحد لو حضر ماهوب موجود … ندرك وجوده .. ليا اوحينا كلامه وانا احسب ان الغياب سهود ومهود … لو كنت اميز حلاله من حرامه
ويوم افترقنا الضحى ياعز مفقود … حسيت بالكون يوم اسدل ظلامه
بري . وبحري. ونسمه بارد النود ... وسماي فاقدك غمامه.... غمامه
سحاب لكن بدون بروق ورعود … عجزت اواسيه حتى بـ ابتسامه
والونه اللي تغيب شهور وتعود … صرت اتمنى لها طيب الاقامه جاء للمشاعر ماجاء لأصحاب الأخدود … شكرا لـ ظلمك على حسن اهتمامه
اللوم شيخ وراه جروحي وفود … ان مد يمناه [ عزالله مقامه ]
وفاي مثل الشجر وأوراقه عهود … حطي على غصن شوقي ياحمامه
ارجي وسلك الحرير يقودني قود … قود الزعيم لمقاليد الزعامه
لو ان حيلي من اللي شلت مهدود … ماطيق ازيد الحمل ريشه نعامه ان كان هذا الامل ماجاب مردود … قامت على راس عاشقك القيامه
غيرك لو انه فرش فدروبي ورود … وفرض قبل مقدريته احترامه
اقول له ماعلى مشاعرك زود … لكن خلك على فراش الكرامه
اماانت والا بلاش معاشر الخود … ماني مبدل شدادي بالمسامه
مواصلك لاذكرته ياطرق العود ... اقول : ياجعل للجنه عظامه
سافرت مانت بـ على سفرتك محدود… متى على الله ..[ ترجع بالسلامه ] |
| |