السلام عليكم ورحمة الله وبركاته
جديد وأبداع أستاذنا شاعر العرب
أستمتعوا معاي بالأبيات الجميلة جدا :
للظروف احكام والدنيا بلاويها كثيره
والجروح احيان تدمي القلب لكن دون مظهر
لا تشوفين ابتسامي عل مافي الامر خيره
والله اني ماضحكت الا على جرحٍ تخدّر
كل كوثر في عنا الدنيا مشاربها عسيره
لكن انتي زينة الدنيا ومافيها ي كوثر
ايه أحبك ما طرى في الحب لا شكٍ وحيره
من يحبك مايذوق المر لو جوه تعكّر
مابقا في أمنياتي غيرك انتي يا أميره
كنتي في الأحلام انتي الواقع الحلو المضفّر
جرديني من برود الليل واهديني عبيره
واجرحيني لكن المشتاق ماضني بيقدر
كل مالاحت بروقي هلت المزنه غزيره
فوق خدٍ ماعرف للحب غيرك ماتعذّر
والله اني للبكا زملت ضلعاني الكسيره
احتضنتك للوهم لحظات علّي اتصبّر
جمرة المشتاق وحصار الشعور المستديره
حول خفاقٍ تضيق الدايره اكثر واكثر
اختنقت من الهوى في داخلي نارٍ سعيره
كل ماهب النسيم ونارها تكبر وتكبر
حديثني ياروابي الروح عن ليل وغديره
يوم نرسم بالنجوم أحلامنا كنا انتصوّر
لمست كفوفك حرير يغار من بعضه حريره
وهمست شفاتك براد وسلسبيل وفيه مرمر
صدقيني كل ذكرى عارم بقلبي جديره
اني ابكيها واغنيها واسجلها بدفتر
مانسيتك لا بحلوٍ فات او ذكرى مريره
انتي انتي زينة الدنيا ومافيها ي كوثر
كلمات شاعر الراقي شاعر العرب