عرض مشاركة واحدة
قديم 02-19-24, 10:39 AM   #1
مشكلتي

الصورة الرمزية مشكلتي

آخر زيارة »  اليوم (08:32 PM)
يرحم امك ساعدني؟

 الأوسمة و جوائز

Icon1 هل يوجد استغلال حلال؟



سلام، جيتكم اطلب العون انا بنت اشتغل بمول وبنت بحالي
ماعندي حركات ومهتمه بنفسي جميله وكشيخه ويجينا زبون يتردد هو وصديقه عندنا وطلب يكلمني ان معجب بي ويريد يكلمني رفضت اولها بعدها رضيت هو رجل عمره ٤٩ معلم متقاعد وعنده زوجه طيبه وعيال بنت عمرها ٢٦عمره البنت بعمري وولد، وصارحني باسم زوجته وولاده وماطلبني زواج وقال لو الود ودي اتزوجك لكن متزوج انا واحب مرتي بس ماكو رومنسيات لكن احبهه وفلوسي ماتكفي اتزوجك ماريد اقصر معاج بشي انا ماتحملت هايه الوضع انفصل عنه وارجع ماقبل مو لعبه اني قلت انته تستغلني قال هايه استغلال حلال بس سوالف حب ماكو شي اكبر قصده ماكو هتك عرض هذا استغلال حرام وطلبت منه يجيب مرته بيتنا اتعرف عليها ويتغدو معانا وهو يحب كشختي واذا زعلت منه يسكتني بكلام حلو رخيص واسكت وسالفه زواج يتهرب منها لان نيته مو زواج مايقدر يزوج ويمكن مايريدني زوجه اله.. كل هذا اني السبب فيه بالبدايه اني لصقت بالرجال واعترفت له بحبي اله وهو استغل حبي اله ومشاعري وهو قال احبك واتمنه لك الخير يعني حاسه بيه ان حب من طرف واحد وحبه الي حب عادي بس انا لصقت بيه واصريت عليه وهو عجبه لوضع بنت صغيره تحبه ويستغل حبها وتحرك مشاعره واحيانا اكذب روحي يحبني يخبرني باسراره هو وزوجته،بس مرات اصفن شاكه بيه ان ماديته زينه ليش مايزوجني واخاف اخرب اسره ومره كان يكلمني نص الليل وسكر الخط بعدها قلي ان حس ان زوجته جايه ناحيته قلت له طيب خلاص نتواصل وقت ثاني قلي عادي بسكر كلشي وخلاص ماكو ارقام ماكو شي ومابتحس بشي نحنه نتواصل بالانستا فقط وقمت اترجاه يتزوجني ترجي ووعدته نضل مشاعر ومافتح سيره زواج فرح واستانس ولما فتحت سيره قلي انتي قبلتي واتفقنا هالوضع يكون بس دون زواج ليش تفتحي هالسيره هسه اني متعلقه بيه هواي وماقمت احب اداوم وشكلي هملته واتمرض هواي صرت جنت اسهر للفجر وياه حته لو تعبانه ووراي قومه من الصبح وجان يجيب لي الي اريده بدون ما اطلب يكلي اي شي تريديه علميني انا حبيبج ويطلب مني نطلع نتمشى ولا عمره استغل راتبي وطلب مني هدايا انا كنت اصر عليه انطيه هدايا ورقمه لكن ماعطاني ياه ساعات يلمح يريد رقمي ساعات لا بس انستا يقلي نتواصل يمكن خايف من زوجته ويقلي خايف تروحي عني ولاتروحي اذا ازوجتي عزميني على العرس واذا في مجال تواصلي وياي بعد العرس اني ماقدر اموت بدونج واريد اشوف عيالج وخايفه ان فد يوم يطلب مني نكون وحدنا بمكان او حته بعد العرس ياخذني لمكان ويطلب طلعات بما ان تزوجت هو يدري ان بابا متوفي واستغل حاجتي للحنان هسه اني مفكره اكلم امي اخليها تكلمه وتقنعه وتجبره نعرس اني احبه لو شنو اسوي وكرامتي خسرتها هواي وماريده يروح لوحده غيري لو تركته