الوضع مُزري في بلاد امة الضاد
من شرق بنغازي الى اسوار بغداد
البطش والتهجير والقتل يزداد
على أيادي من شهد بالنبّوه
يارب وش هالبلوه اللي بلتنا
ومن تحت جلباب السكينة خذتنا
يا ليتنا قدام هاليوم متنا
ولا شهدنا سفك دم الأخّوة
سبعين فرقه خيّمت بين هالناس
من الخليج إلى ورى ارض مكناس
تخلي الخيّر يوسوس وينحاس
ما عاد يعرف صاحبه من عدوه
سفينة الأمة على امواج طوفان
تلعبها الأمواج من غير ربان
يارب بلغها موانئ وشطآن
وكل ٍ يتوب ويصفي اليوم جوّه
واسألك يا اللي فوق خلقك وكيلا
تردنا إليك رداً جميلا
وتغفر لنا يارب قبل الرحيلا
يوم الممات وكل عضو ٍ مفوّه
