اليوم على الريوق،
أبوي قعد يسولف لنا وقال كلام
المفروض اسمعه من زمان!
اللي قاله :
"الله مُمكن يسامحج على الأخطاء
اللي ارتكبتيها تجاه نفسج،
بس مستحيل يسامحج على الأخطاء
اللي ارتكبتيها بحق غيرج،
لما تحسين إن في نعمة انسلبت منج فجأة
راجعي نفسج من اذيتيه ومن أساءتِ له".
لهذا أحاول من الآن وصاعدًا
أكون إنسانة صالحة وما اجرح أي احد،
ادري إن هالشيء صعب عليه!
ومثل الوقت مو كأني أمشي وأجرح خلق ربي،
لكن من طبيعتي بسرعة أتنرفز
وبسرعة انقهر وبسرعة أخذ موقف،
وردة فعلي تكون خشنة وفوق المتوقع،
وطبعًا هالشيء جدًا غلط لازم اصلحه بنفسي!
اكيد أنا مو ملاك وأساءت بحياتي لكثير اشخاص،
وإداركي لهالأخطاء مُتأخرة بعض الشيء،
لكن الآن اوعد نفسي اكون أفضل،
وأحاول ما اكرر أخطائي
.