'
للمعلومية
حبيبك الوهمي عنده حب تملّك
لذا هو وده يتركك وبنفس الوقت ماوده
هو لو شخص ناضج كان قال الله يستر عليك يابنيه
اما سالفة انكم تنفصلون قبل العرس هذى انسيها
لان راح تستمرين تتواصلين معاه حتى بعد الزواج
الانفصال اذا ماتم من الان ماراح يتم بعد العرس
بالبداية راح تتعقدي وتحسي شي ناقصك بيومك
وهالشعور طبيعي وتجاهليه عشان نفسك وحياتك
لان انتِ قاعده تختارين بالعاطفة مو المنطق
اما بنسبه لخطيبك
ماراح تحبينه الان
ولا راح تحبينه من اول يوم زواج
الحب الحقيقي و الفعلي واحكيها لك من واقع تجربه
يجي بعد الزواج بعد العشره وبعد ماتتجاوزون اختلافاتكم
وصدقيني اذا خطيبك انسان صالح راح تحبينه اكثر من حبيبك الحالي
وراح تستشعري نعمة الحب الحلال الي تتباهي فيه قدام الناس
ومافي مثل دلال الشخص لك بالحلال و الواقع
مو خلف شاشه وبياع حكي حلو ببلاش
انتِ حالياً تمرين بفتره انتقاليه بالحياة العاطفية
لا تلعبين ع روحك وتظلمي الي دق بابك من اجل شخص واقف عند شباكك
وهالفترا تحتاج منك منطططق باختياراتك
وموفقه