03-01-24, 08:08 AM
|
#534 |
| | | | | | | | | | | | | | | | | | الهوايه » القراءة بشكل عام وكتابة بعض الخواطر | | | | | | | | 
حيّاكم الله وبيَّاكم وجعل الجنة داركم
اليوم وقد تشرفت بضيافتكم ، فما أجمل لقاء فى الله!
فتفضلوا أولاً واجب الضيافة ...
التربية على احترام النعمة
تقول صاحبة القصة:
أولادي بيحبوا الورك بتاع الفرخة
النهارده نسيت وسيبتلهم الجزء اللي فوق
رفضوا ياكلوا وبدأت المحايله والطبطبة، وهاحط كاتشب، طب أعمله شاورما، طب آخر مرة!
وكل ما أتحايل يزيد الدلع والرخامة!
آخر ما زهقت قولتلهم هتاكلوا؟
لفيت أكلهم كله وأخدتهم ونزلت الشارع
مشينا لحد ما لقيت صاحب نصيبه
قولت له اتفضل ألف هنا وشفا
ورجعت
عدت ساعة اتنين تلاتة أربع ساعات
بدأت عصافير بطنهم تصوصو شويه والعصافير بقت بتصرخ!
ماما عايزين نتغدا
كان علي عيني يا حبايبي الغدا خلص
طب اعملينا أي حاجة
علي عيني يا عيوني أنا مش فاتحه مطعم
فيه طبق فول من فطار الصبح أسخنه؟
الولد الصغير كان هيقول مش بنحبه
أخته سكتته وقالته ماتقولش كده ماما هتنزله لعمو تحت وهنموت م الجوع
سخنت الفول
وعن منظرهم وهم بياكلوا من غير محايله ولا طبطبة كأنها هابي ميل من ماك
صحيح لازم ع قد مانقدر مانحرمش ولادنا
بس في شَعرة بين إن نخلي عنيهم مليانه ونخليهم مدلعين ويتبطروا على نعمة ربنا!
لازم نخلي بالنا واحنا بنجري ونجاهد ف الدنيا عشان مانحرمهمش من أي حاجة ونحقق كل طلبتهم
إننا نهتم نخليهم حاسين بقيمة النعمة وعمرهم مايتبطروا عليها
ويحمدوا ربنا على الكتير أو القليل
لازم لما يطلبوا حاجة واحنا لسه ماقبضناش نعرفهم ونفهمهم
حتي لو معانا لازم يعرفوا مش كل طلب هيجاب
ودي دايمًا النصيحة اللي والدي كان بيرددها
"اخشوشنوا فان النعم لا تدوم"
أسعدكم الله في الدارين
لنا لقاء آخر إن شاء الله
 |
|
|
|