مرحبا بالجميع


سبحان الله
كنت لسه من كام يوم بفكر في حاجة شبه كده

أمتة اقول ان الزواج ده نجح ؟

لقيت نفسي برد
أحكم علي الزواج انه ناجح .. لما بعد رحلة العمر بيني وبين الشريك ما توصل لنهايتها وتقول لنفسك
انا عمري ما فكرت في كلمة ( طلاق )

الزوجين اللي يعيشوا مع بعض علي الحلوة والمرة ويعدوا مع بعض كل مطبات الحياة بسلام من غير ما حد فيهم في يوم يفكر انه ( يطلق ) أو ( تطلق ) هنا انا اقدر اقول انه زواج ناجح


^ ليه بقي انا وصلت للنتيجة دي

لأن أول سبب واهم سبب
انهم فعلا كانوا متمسكين ببعض وكان كل همهم ان مشروع زواجهم ينجح مهما قابلوا من صعاب

وده يرجعنا لسؤال السائل / ة

انا من وجهة نظري ان أهم سبب لنجاح اي زواج هو

التفاهم

^ التفاهم دايما بيوصل بينا لأرضية مشتركة مهما كنا علي خلاف
في النهاية لازم حد فينا حيقنع التاني ولو حصل وطرف من الأطراف مقتنعش
الطرف التاني بيتنازل عن طيب خاطر
مش لأنه سلبي لا سمح الله ولا لأنه مقهور ومغلوب علي أمره
لأ خالص... لكن لأن الحياة كده
مرة عندك ومرة عندي والدنيا بتمشي

طبعا في أسباب تانية كتيرة ويا سلام او اجتمعت مع بعض يبقي ده من حسن الحظ

ان يكونوا بيحبوا بعض
ان الكيمياء الروحية بينهم عالية
ان يكون لهم ميول واحدة
طموحين واحلامهم متشابهه
وغيره
وغيره
وغيره



ميرسي ل صاحب/ة السؤال
وبرحب بأي تعقيب





.