يا هلا بالجميع ...
مثل ما قال بعض الأعضاء ... الناس تتكلف بشكل كبير لما يكون عندهم ضيوف ... ناهيك عن اعلان الاستنفار والطوارئ قبل العزومة بـ يوم ....أضف إلى ذلك التَّكلف في اختيار المواعين اللي ما تطلع من المطبخ إلا في مناسبات معينة ...
لا وبعد مكان تجد الحرمة تتصل على أختها فلانة وتقولها : سَوي لي صينية حلا ( عَيْش السرايا ) ..لأن بكرة بيجونا ضيوف ......وتكلمها وهي ملخبطة فوق تحت ....شايلة هم ...
وبرضو تتصل على أهلها وتقولهم أرسلوا لي القدور اللي اشتريتوها من المحل الفلاني اللي شكلها كذا وكذا ....
ثم ترد عليها أختها وتقول : ما أعرف وين مكانها ..!!..
ثم هي تقولها : يا فدغا يا غبية اسألي أمي عنها ....وأرسليها لي بسرعة ...
وبرضو تكتب قائمة طويلة ( تجهيزات الفطور ) عشان يشتريها زوجها ..!!..
ومقولة ( الجود من الماجود ) هذي مش مطبقة في الواقع ....
أيام زمان كان الاخوان وعيالهم المتزوجين ...الفطور بينهم ...يعني كل يوم على واحد ....طبعًا كانت الناس قليلة والأحياء بسيطة ..وعايشين على البساطة ......أما الآن كل عائلة لوحدها ...لأن الناس كثروا وكبرت العوايل .....
...