منتديات مسك الغلا | al2la.com - عرض مشاركة واحدة

**الخواف** · 03-19-24, 11:24 AM


	المشاركة الأصلية كتبت بواسطة هوس*


	زين وهم ليه رايحات جايات يقرن في بيوتهن امزح طبعاً بس صدقني الامر عادي انت بحاره وعلى شوارع عامه واماكن عامه شي طبيعي تجلس بباب بيتكم وان لمحت احد تنزل راسك او تصد عندنا جار كذا واحنا نروح البقاله احيان بين وقت ووقت او حديقة الحي واذا شافنا ينزل راسه او يطالع الجدار صرنا عارفين طيبعه واخلاقه ونمشي براحتنا هذا رأيي احيان واحنا طالعين بالسياره خارج حتى حارتنا اشوف ناس يفرشون فرشه وتكايات ويجتمعوا يسولفوا برى

بيني وبينك الواحد يبعد نفسه عن مواطن الشُّبه ويريح راسه .....لأن ممكن بكرة حرمة تقول فلان ما يستحي على وجهه كل يوم مسنتر عند باب البيت ويتفرج في الرايح والجاي ...

وطبعًا أنا شايف ان معها حق انها تقول هذا الكلام ....لأن الرجل محد ضربه على يده انه يجلس في مكان هو مُعرض فيه للكلام من اللي يسوى واللي ما يسوى ...

وعلى فكرة ما فيه أحلى من الجلسة إذا كانت في طرف الحارة بعيدة عن حركة الناس ...لكن هذا الشي مش متوفر ..

خلاصة كلامي :

من المفروض المهندسين القائمين على المخططات السكنية يحطون في كل حي سكني مجلس كبير لسكان الحي ....

على الأقل عشان كبار السن والمتقاعدين يجتمعوا فيه ... بدل ما يجلسوا بين أربع جدران في البيت .. لأن محد عندهم من عيالهم يجلس معهم ..لأنهم في أعمالهم ..

..