طب ياريت بيقولوا بكرة
ده انا مرة كنت حامل في الشهور الأخيرة ومعايا بيبي علي ايدي والباشا جه قالي
اعملي حسابك في ضيوف من الصعيد علي الغدا
اللي هو كام بقي كانت الساعة
قالي كده الساعة واحدة الظهر وهما بطبعهم بيتغدوا الساعة ثلاثة العصر
وعيب جدااااا تجيب لهم أكل جاهز من بره علشان يبقي اتصرفت

بص بقي
_ الوقت ضيق علشان تعمل أصناف
_ انا صحيا كانت علي الله حكايتي
_ اللحوم والدواجن في الديب محتاجة ساعات علشان تفك

الله وكيلك لو كان نظام الخلع ساعتها شغال كنت خلعته

انا معنديش اي مشكلة نهائي في العزايم
ومعروف عني ان اول يوم رمضان العيلة كلها بتبقي معزومة عندي في حدود ما شاء الله ثلاثين فرد واكتر
وببقي سعيدة جداا بيهم وبنقضي وقت حلوووو

لكن مش تفاجئني
الموضوع مش سهل ومحتاج ترتيب وتجهيز علشان تكرم الضيف

عايز تعرف طبعا انا عملت ايه يوم الضيوف
عملت زي ما كان ابويا الله يرحمه بيحب ياكل قبل ما نتجوز

طلعوا لحمة واعملوا فتة يا بنات
طلعت لحمة وعملت رز وشوية سلطات وبطاطس محمرة ومشيت الدنيا





.