الحياة قرار و اختيارات
و لكل اختيار اتخذناه في حياتنا لازم نتحمل نتايجه السلبيه قبل الايجابيه
وكلنا بناخذ قرار واحنا عارفين مسبقا النتايج
اخذت قرار اكل اكله غير صحيه وانا عارفه من قبل انها حتأثر علي جسمي انا اخترت وانا عارفه انه غلط
اخذت قرار و ظيفه غير مقتنعه فيها مالقيت نفسي فيها مجبر اخاك لا بطل محتاجه للراتب حتعب واعافر فيها لحد ما الاقى فرصه جديده افضل
لقيت وظيفه جديده فرصه افضل بس دخلت في دائرة الراحه وخلاص مالي خلق ابداء و استعد ل مكان جديد هذا قرار
اخذت قرار زواج وانا اعرفه مسبقا ما في تناغم بيني و بين شريك الحياه لكن الزواج هو افضل الحلول لأي سبب كان او ضغوطات غالبا حضطر اكمل حياتي معاه
ليه هذا كله من الاساس اخترنا اختيارات غلظ ب كامل قوانا العقليه
لان ما عندنا صبر
نبغا ننحز كل شي في اقصر وقت ممكن
كأننا في سباق من يوصل الاول ؟
وكمان في سبب ثاني
لما نتختار ما في اختيار مناسب 100٪
فلازم نتقبل و نرضى ب الجوانب السلبيه و نكون اكثر مرونه وسيطره في مواجهتها والتعامل معها