منتديات مسك الغلا | al2la.com - عرض مشاركة واحدة

**فيولا** · 04-11-24, 04:48 AM

صباحك ياسمين

وكل عام وأنتِ بخير والجميع يا رب ..

أنا عندي قناعة ان الأمراض لها 4 مسببات رئيسية
بعد إرادة الله طبعاً

العادات السيئة
الوراثة
التغذية
الحالة النفسية

طبعا أكيد الحافظ الله ممكن الانسان يتعرض لأسوء
ظروف الحياة ولكن الله يكتب له العافية هذا امر الله
لكن اتكلم قد تكون المسببات سبب لمرض الانسان

ونبدأ

العادات السيئة
شرب الخمر ، التدخين ، السهر ، المخدرات .. ألخ

العادات السيئة مدمرة للإنسان على المدى البعيد وقد
يكون القصير

الوراثة
بعض العوائل تمتاز بأمراض معينة قد يكون الانسان عنده
استعداد وراثي لكن المحافظة على المسببات تقلل من
احتمالية الحدوث او ربما تجعله في مأمن ..

الحالة النفسية
من مشاكل ضغوطات وتراكمات وصدمات ..
ولها تشعبات كثيرة
صالح الراشد تكلم عن فك شفرات الأمراض
اللي يحب يبحث عنه ..
كمان بعضهم يستخدم لها تقنية الحرية النفسية
وفادت ناس كثير في التخلص من الامراض والفوبيات
وبعضهم يعالجوا صدمات الطفولة
وقبل هذا الطمأنينة مصدرها الرضى والإيمان بالله

التغذية
وخلينا نتكي على موضوع التغذية لانه عامل عمايله
في امريكا
التغذية نوعين
إما اعشاب وهي صعب الانسان العادي يفتي فيها لانه تحتاج
دراسة وممكن يكون لها تأثيرات
لكن نتكلم عن التغذية بالأطعمة

هي السبب الرئيسي لكثير من الأمراض

في دكتور اسمه جون مكدوغول

له برامج ومركز في امريكا

يحارب في موضوع الغذاء خاصة بعد ما تم النظر إلى
متلازمة تسرب الأمعاء وكيف الأكل سبب لكثير من الأمراض

هذي الافكار محاربة وبشدة

ليه
لو لأن فعلا تم معرفة سكان كوكب الأرض ان الغذاء
أصل مرضك

راح تقفل المستشفيات
واقسام العلاجات
والصيدليات

والله يافي احصائيات وبلاوي عن تسويق الأدوية
صعبة حتى تقال

.

لكن اللي اقدر اقوله
ان تجارة الادوية ما تقل سعراً عن تجارة الاسلحة
والمخدرات ..

اللي اقدر انصحه فيه اي انسان عنده مرض
لا سمح الله يبحث عن داخله وعن تغذيته ..

واللي يقدر يعمل تحليل اسمه

ImuPro

هذا التحليل ولو انه غالي إلا ان الصحة اغلى راح
يوضح لك إيش هي
الأغذية اللي تسبب لك حساسية متأخرة ركزوا متأخرة
يعني ضررها ما يكون على طول
ممكن بعد ساعات او أيام

شكرا لك موضوعك جميل