:
على سبيل العبور:
قبل ابتدي ياحرفي العابر وانا كلي عبر
راجز على مستفعلن مستفعلن مستفعلن
مدري خطا مدري غطا مدري سطا مدري قهر
بس المهم ان الحروف العابره تلقى وطن
هذا وانا مرسل سفينه قاطعه عرض البحر
بين الخفا ترحالها يمضي وما بين العلن
ماهو مهم ارسالها ياخذ سنه ياخذ شهر
بس المهم آخذ ثمن في حملها وادفع ثمن
فيها وصايا عابره مني وانا كلي عبر
تمضي حقايقها وانا راضي على مر الزمن
بعض البشر عذره معه حتى لو انه ما اعتذر
لنه على منهج حفظ فيه الفرايض والسنن
خذها نصيحه لاتدوس ابرجلك ادروب الخطر
وتقول انا كلي ظفر وقت الشدايد والمحن
هذا العمر ياصاحبي لو تنتبه رحلة سفر
فيها الحقايق ثابته من مولدك لين الكفن
مُواسي.
: