جوووووود.....على الحبيب الصادق ان يجود بحبه على محبوبه....لا ان يبخل عليه......لأن في الجووووود ديمومة ومتانة للحب....و في التعالي قتل للمشاعر
بسم الله أبدأ
::
::
جود ،، جودي لي من الله وانا مثلك ب اجود
مانبي يا مهجة الروح منك إلا الوصل !!
فورة الاشواق عندي تراها بلا حدود
والغرام اللي من اسبوع عيّا ما فصل
ملمس الخصلات في عرض وجنات الخدود
واعذابي من خدودك ومن ذيك الخصل !!
قلبي المجروح ما يدخله منك برود
رغم لوعات الليالي وكل اللي حصل
كلمة العذال لا شك لهّادة كبود
تفتح ابوابٍ من الشك لو ماله أصل
وش لقينا من وراهم مبيّحة السدود
كل ٍ يسنّ الخناجر و يبري له نصل
من يدوّر للنصايح من الوجه الحسود
مثل من يبغي العطر من ورا قشر البصل
الحظوظ القشر عيّت رغم بذل الجهود
والبخت الاقشر من العام عيّا يتصل
الحياة تفتّ حيل الذي يرقى سنود
والتعب مضمون لمن وصل او ما وصل
بو نوره