نديمة دروبي .. ما بقى في رحابك فيّ
‏خذتك الظروف ولا اختفيتي ، ولا بنتي

‏أسوق الرجا في قولة الحي يلقى الحيّ
‏وأنا داري إنّك بعد قسوتك . . ما لنتي

‏لو إن الزمن .. قادر يرجّعك ، بين يديّ
‏من يرجّعك في نظرتي .. مثل ما كنتي

‏مع إنك تركتي عاشقك في دروب الغيّ
‏وفي عينه الايام . . ( شانت ) ولا شنتي

‏محبتْك حتى في غيابك !.. مثل ما هيّ
‏لا هانت . . لياليك القديمة ، ولا هنتي

‏من المستحيل يحول عن ذكرياتك شيّ
‏لو يحول من دون اللقاء حاجز إسمنتي

‏يروحون !.. كل الناس مني شوي شويّ
‏ولا فيه أحد يبقى على البال .. غير أنتي
-عبدالله السراهيد