شعر النظم أحساس شاعر وفكره
والبيت له شطرين ويكون موزون
أول شطور البيت ندعيه صدره
والثاني اسمه عجز للي يسمون
للقافيه في شيلة الصوت نبره
ياقف بها من للقصايد يغنون
واحلا البيوت أن جاء بتكتيك خبره
من شاعرٍ يلقيه والناس يصغون
وروح القصيد افكار تعطيك عبره
تجارب أهل العرف في ساير الكون
شاعر يجيد من احسن القول ندره
ينقاه مثل الدّر للي يغوصون
الشاعر المبدع اذا هاض صدره
سوى بيوتٍ مالها ند وفنون
شعر حسن عامر آل عيسى
هنا مربط الفرس :ميريام لست شاعرة ولا أدبية
في النهاية أنا متذوقة للشعر لااكثر ولا أقل
