منتديات مسك الغلا | al2la.com - عرض مشاركة واحدة

**امير لكن سجين** · 04-22-24, 12:18 PM


	أهنيك يا امير انت على الطريق الصحيح شجعت أنا الأبيض إذا غيري تلون ومبروك الفوز يعني بالله يكون عند فريقك 14 دوري أبطال ولا خمسة وغير كذا هذا الموسم فاز على برشلونة 3 مرات ترى اللي يدعمهم ياخذ ملايين وخاصة الاندية الكبيرة وعارفين ان الرياضة هي اللي تجذب الشباب فلما يشوف المراهق ان فريقه يدعمهم على الاقل راح يرحب بوجودهم لو ما صار مثلهم حسبي الله عليهم بيريز ما يأيد هذا الشي ويمكن ترتب عليه غرامات وكمان الالتراس سور تبع مدريد يدعمو فلسطين شفت كيف فريقنا فخر ولو في يوم لقيت مدريد يدعمهم اعرف ان الموضوع ضغط سياسي ومالهم يد يعني مبدأ الرفض موجود مو زي الجار ماصدق لون شعاره يصبروا عليهم الأوربين لأن أغلب الاندية تختار بعناية اللاعب اللي يكون عنده موهبة حقيقية يعني تقدر تقول الماس ويتم صقله لكن العرب ماعندهم الماس يطلع لهم فحم هههه مافي اي جوهرة من البداية تبان الموهبة إلا لو كان باقي صغير نقول وقتها يحتاج صبر وتعلم البريكان ما شاء الله مستواه افضل كثير طلع ترند في مصر بعد حلقة رامز ونزلوا عليه تصاميم اسمراني اللون عيونه سمرة ههههه الله يوفقه ترى المدرب واللاعبين والدعم يفرق كثير والبيئة في حياة اللاعب .. عندك كلوب لما يشوف تقصير من اللاعب يروح لأهله ويجلس معه يعرف مشكلته يعني من الناحية النفسية يحاول يهديه راضية والله الحمدان يسجل ويجيب لنا الفوز وينصره ربي على حشنا فيه ما نقول إلا الله يفتح عليه الحمدان أمام المرمى ويسجل طالما ابتلشنا فيه ندعي له بالتوفيق

ايه شفت كيف الاوضاع بتشجيع الريال كأنك عايش اجواء تشجيع الهلال

وبرشلونه انا تعلقت فيه بسبب جوارديولا والجيل اللي معاه

وانا من عشاق البرازيلي رونالدينو اللي كان في برشولنه

هذاك اللاعب هو اللي حببني في برشلونه وزاد كملها

بيب جوارديولا والجيل الذهبي اللي كان معاه بصراحه

لكن مع الوقت من يوم مشى جوارديولا فريقنا انتكس

وكنت مسمتر بتشجيعه لين انتكست فطرة الاداراه المعفنه

ولو الريال بيوم من الايام بيسوي مثله ابسحب على مندوبه

وامس والله المباراه كانت حلوه كل الفريقين قدمو مستويات طيبه

الى اخر دقيقه والمنافسه شديده وواضح ان تشافي مايناسب

البرشا ويبيلهم مدرب صاحي .. تشافي على مايقدمه ينفع في دوري يلو

وبخصوص العامل النفسي للاعب وتهيئته وزيارة المدرب

في اوروبا اغلبهم محترفين متغربيين عن بلدهم مو منطقتهم

لكن الحمدان وين ساكن ..؟ ساكن في الرياض عند اهله

يعني مافي شي يمنعه من تقديم مستويات متميزه

واتمنا يدخل المنتدى ويشوف محشاتنا فيها

لعلى وعسى يستحي على وجهه ويرد علينا ..

ووعد لوسجل مانحش فيه