عيدك مبارك وكل الفرح فالك
وكل عامٍ وانتي ابخير وسعيدة
ولو سألتي العيد يحكي عن جمالك
كل ما هب الـهـوى يلقاك عـيـده
والهـوى لا هـب ما حرك لشالك
حرك إحساس قلبك في نشيده
اخذيني بكل حلك و ارتحالك
بسمةً ذابت على روحك قصيدة
او خذيني بسهل وقتك و انشغالك
لو سكت و داخلي حكي الجريدة
او خذيني بالوفاء من طيب حالك
...... اللي انتمى لك .........
او خذيني بالغلا لو هو ظلالك
.................................
كل لحظة انتظر لحظه وصالك
وغيبتك تبكي وله لك يا فقيدة
عيشي اللحظه على أجمل خيالك
وقربيني بكل وقتك يا فريدة
وابعديني عن محطات المهالك
كل غصة فقد تشعل بي وقيده
والسؤال اللي استحى بي من سؤالك !؟
كيف حالي ؟! لا غديتي بي بعيدة !
انتي تدري وش ورى صمتي هنالك
دون انطق تعرفي باللي أريده
لو طلبتي كل غلاي أقـول : جـالك
انتي اللي تملكي روحـي الوحيدة
والله اني أشوف حـالي من خـلالك
لو غدت روحي بعد وصلك شـهـيـدة
وقّفي كـوني على بسـمـة دلالك
كل كوني زيــف وانتي اللي أكـيـدة
كن روحك للوفا خلقت لذلك
وبيني وفرحك انا عشرة وطيدة
وسط صدري لك من اللهفه ممالك
كم حوى قلبي الى آخر وريده
وكان ودك تعرفي انتي لحالك
كل وطن عمري وافراحه وعـيـده
الوله .