***
شابت مساعي خطوتك ما تحققت
والشيب لاح بعارضك قبل أوانه
غربت دربك وإلا بالعكس شرقت
ما عاد تفرق وين مُطلق عنانه
يا حلمي اللي كيف ضحى بك الوقت ؟
من شان يضـحِـك في افـولك زمانه
شفني بعزاك شلون لجلك تأنقت
وعرفت كيف المرء يخسر رهانه
وأخذت لي حفنه وأنا بصمتي آشهقت
و شلون حلمي يموت قهر بمكانه ؟
لله هذا الحلم بالغصب فارقت
وإن الظروف اللي تكون الخيانه
والآن باقي شي لجله تورقت
هو الوحيد اللي بحياتي ضمانه
أفرجت عن همي وبنوره اعتقت
عن كل أحزاني لو إنها مُدانه
هي موطني في العمر لو هو تضايقت
معاه أنسى الحزن وبكل أمانه
أغليه ويا كثر الغلا لو تطرقت
من أول إحساسي لآخر حنانه
ما تكفي الفاقد ولو كلمة اشتقت
لو كان فقده ممتلي به كيانه
على القصيد اللي لعينه تشـوقت
أسرجت حرفي في البحر لجل دانه
وجمّعت كلي لجلها شعر و انسقت
كان اللحن قلبي و روحي بيانه
ولو جيت أعدد في خصاله تذوقت
طعم الحروف اللي تباهى عشانه
آمنت إن هي لي السعادة و صدقت
إنها بدر واحد تعلى بمكانه
لـ الوله .
***