على طاري اللي يعددون بالعضويات
ويمدحون نفسهم بعضوية ثانية
ما لاحظت هالشي يمكن لأن ما أدقق

بس أنا رأيي بإيش راح يضروني عشان أعصب
عادي يعددون ويمدحون نفسهم ايش علي منهم

إذا ما غلطوا علي ليش لازم أسوي ضجة

حتى لو يجي عضو يسوي نفسه ملك العالم ايش علي منه
خل يعيش الدور يمكن يحب التمثيل
عادي بشوف إبداعه في التمثيل

ما راح يضرونك هالناس
إلا إذا كان تصرفهم يلامس شعور في داخلك

واللي يستخدمون العضويات عشان الظلم والأذية
راح ينكشفون أكيد

اللي يهمني فقط تعامل الشخص معاي
هل يأذيني بتعامله ولا لا
إذا ما شفت منه إساءة لشخصي بعامله حسب الظاهر

لو شفت إساءة بقول للإدارة وانتهى

في النهاية هذا منتدى
وممكن الشخص يشارك بغير شخصيته
لأن ما يبي يكون معروف أو عشان الخصوصية
أو لأسباب أمنية أو لأنه يحب التمثيل وشخص غير جاد
وممكن العكس يكون واضح وصريح

ولا نتوقع كل الناس أسوياء أكيد راح نصادف مرضى
وعندهم ظروف ما ندري عنها

يعني لا تاخذون الأمور جد زيادة عن اللزوم