كثير من المحيطين بي و على مدى سنوات
دايما يقترحون و ينصحوني أؤسس لمشروع صغير أبيع فيه منتجات من صنع إيدي
و على سبيل التجربة فعلتها مرة يتيمة
رسمت ثلاث لوحات تدور فكرتها حول موضوع واحد
و تم بيعها على إحدى زميلات العمل
و من بعدها حرّمت
ما حبيت شغلة إني أتاجر باللي أسويه و بأفكاري
صح أنا مو دافنشي و لا صفوان داحول و لا بيكاسو
لكن الشغلة نفسية
بعدها اتجهت لفكرة ثانية منعاً للتكديس
فصرت أهادي الناس المقرّبين جدا
و في مناسبات تخصهم
مدري حسيت بالرضا أكثر
مع إني لا أعارض فكرة الإتجار بالأعمال اليدوية لأصحاب المواهب أبداً
لكن بالنسبة لي ما ناسبتني