انا اشوف الاهل يحددون وعادي هالشي ولكن الاولى بتحديد المهر هي البنت لانها سوف تتزوجه وليس اهلها

انا بنظري اذا البنت قررت تتزوج وفكرت صح بهذا الرجل من جميع النواحي

لازم تقدر وضعه المادي في المهر يعني ماله داعي تتكلف بالمهر او الاهل يتكلفون فيه

ولكن الرجل كمان لايستغل هذا الوضع ويبخل عليها بالمهر يعطيها اللي يقدر عليه

والبنت تقدر تحسن تصرف هذا المهر بدون تكلف

لان للاسف الاغلب الحين ملابسهم يبونها ماركاات معروفه مثل نعومي وغيره
وتكلف بشكل مو طبيعي الشي الوحيد اللي لازم ماركات معروفه هي العطورات والمكياج فقط

لكن البنات تكلفو بكل شي بدون مراعاة لحالة زوجهم الماديه وصل عندهم
لدرجة اذا ماكفتهم الفلوس طلبو منه طبعا من حقها تطلب ولكن لاتصير مبذره مره

انا ضد التكلف في كل شيء ولو فكرت البنت شوي واستغلت هالفلوس بذكاء كان كفاها كل شيء
وحتى تكلف الزوااج البعض يبيه فخم مررره اوفر ويبون شهر عسل في احسن بلد مايصير كذا

لو كان كل شي بسيط البنت مستفيده بشهر العسل تسافر وين ماتبي لان بيكون فيه فلوس
لان زواجها كان بسيط وتجهيزها بسيط ومو متكلف وبنفس الوقت جميييل وكل شي في البساطه يكون جميل

ولاحظو انه زمن الحين مو مثل اول يعني كل شيء غاالي ومسكين الزوج هو اللي يتوهق
لان وراه الف شغله وشغله من تاثيث بيت وتجميع فلوس وغيره الكثيرر وبما انه كل شي غالي

البنت تستغل فترة التخفيضات ومجرد ماتجي التخفيضات ع طول للسوق وتشتري

ومو لازم تشتري كل الاغراااض عشان تكون كامله تشتري الضروري ولاتزوجت هو مايقصر
ولكن اشوف البنات الاغلب وليس الكل يبون يكونون كاملين مكملين من جميع النواحي

واخر شي احب اقوله الزواج مقدس وستر للبنت

ومبني على الوقوف مع الزوج في الرخاء والشده وليس مبني ع الفلوس والمهور والحياه المرفهه مثل مايفكرون الاغلب

مجرد وجهة نظر بالنسبه لي حبيت اكتبها واحب اقول الاختلاف بالرأي لايفسد للود قضيه

موضوع راائع استمتعت بالتعليق عليه

ننتظر المزيد من روائعك

آلمتفائله ..