07-12-14, 09:27 PM
|
#1 |
| | | | | | | | | | | | | | | | | | | | | | | | | | | | | 
بالله لا يكثر , ترى خاطري طاب ..
ظلم الغريب أهون ولا ظلم الاقراب
لان الظليمه من قريبك مصيبه
وعيب القريب اصعب من عيوب الاغراب
لان القريب يعيبك اللي يعيبه
والله مايذبح طويلين الاشناب
غير القريب اللي طعن في قريبه
عقب القرابه والغلا صرتم احزاب !
ولا حد ٍ جنى من فعلته كود خيبه !
بالله لا يكثر , ترى خاطري طاب
مليت من كثر الجروح العطيبه
الفرق واضح بين صادق ونصاب
والحق يطلع لو يطّول مغيبه
وان كان فالدنيا محد حاسب حساب
فالآخره رب ٍ خلقنا حسيبه
وانا قسم بالله . لايمكن ارتاب
ولا حب هرج ٍ فيه نمه وغيبه
احب اقول الصدق حتى لـ كذاب
واحب اجازي من غمرني بطيبه
وإلا الردي له عندنا حفنة تراب
وان غاب ماقلنا عسى الله يجيبه
بس انت ياليتك تفكر بالاسباب
لان الظليمه من قريبك مصيبه
|
|
|
|
|